كلمات اغنية – تصور نواف فريح

تصور نواف فريح مكتوبة Nawaf Fraih ecout أغاني نواف فريح كلمات الأغنية تصور

تصور نواف فريح

كلمات الأغنية تصور لو تغيب وما يجيني منك اي مرسال
تصور شلي راح يصير بعدك يا بعد عيني

ثلاث ايام ما شفتك ورب البيت دمعي سال
وانا الي ما عمر دمعي نزل في راحة ايديني

بعد ما رحت من عندي احس الكون فيني مال
وهم استوطن بصدري وفجر كل شرايني

بعد مارحت كتفني الحزن والليل فيني طال
ولا في شي من بعدك عن الضيقه يسليني

مضيع كل شي ومختلط فكري وضايق بال
وسارح فيك يالغالي ولا ادري وينك ويني

اقرب دلتي وتطري واضيع وزنة الفنجال
ازيد البن وبعض احيان انسى الهيل بيديني

اقلب في صور لك قديمه داخل الجوال
دموعي فوق جوالي تناثر من جفن عيني

وانام واحلم بنومي تجيني فارعه بلا شال
وتاخذني من الدينا الي ما ادري لويني

تسولفلي عن اصحابك وجور الوقت والاحوال
وانا ودي اسولفلك عن الشوق الذي فيني

واضمك واصحي من نومي والاقي في يدي سلسال
واثاريني اضم سلسال لذكرى هديتيني

تاثرت بغيابك لين مابين علي هبال
ومشيت دروب ما ادري الى وين بتوديني

وجيت اللحين قدامي وانا متخوف ولا زال
اشك ان اللي قدامي طيوفك جت تواسيني .

كلمات الأغنية خليجية
كلمات:نواف فربح
اداء: نواف فريح
الحان: نواف فريح
توزيع :حازم الابيض
تسجيل صوت: اسامه البارع
مونتاج: قنوات ميوزك